ما تقولى ليه مغرور
وماشيفش غير حالك
بكرة هييجى الدور
وتبقى كدا لحالك
بفرشلك قلبى سرير
ترتاح وتتمالك
ولا شوفت يوم تقدير
ولا جيت تقول مالك
تعبت والله كتييييير
وم النصح أنا هالك
يا قلة التدبير
من إللى كان مالك
بعترت صبرى عليك
طلع الشبك خالى
بفرح بكلمة وبرضى
لما تكون سالك
يلى الضمير انعدم
ورميته ف المالح
لا نصح نافع فيك
ولا م العصى خايف
كل البشر عندك
أنصاف مافيش كامل
لو يوم تبص وراك
ف مرايتك السودة
هتلاقى شبه غراب
أيامه معدوده
لو مرة جا قناص
ورماك كدا بطوبه
تبدر على المخليق
بلاويك وتقول عوده
لملم بذور الشر
من صدرك وارميها
وازرع بذور الرضى
تطرح بقلبك خير
يلى ربيت ع الكره
اقطف عدانه أوام
واحفر بعيد واردمه
وإوعى ف يوم ترويه
ولا يوم تعودله تانى
أول واحد هيتاذى
إنت و هتبقى الجانى
على روحك المعدمه
ما تقولي إي إلا رمانى
ف طريق واحد مغرور
بيظن إنه أمير
وهو لو ترسمه
أكبر دغف خسيس
مافى ف كل الخلق
واحد كدا عاجبه
يبصلى من فوق
كأنى شاى ودلقه
بعد ما خاد رشفه
ولقاها كما صبار
بدعى عليك تنكوى
وتحس مرة بنار
م إللى كويت الناس بيها
ياعرة الأشرار
روح بص ف مرايه
راقيه ماعليها غبار
يمكن تشوف نفسك
وتراجع أخلاقك
تغسلها بماء زمزم
وتطهر اعضائك
قلب وكمان الضمير
وتقتل كمان داءك
علشان ما تعدى حد
بغرورك وكبريائك
انضف ياعم وروق
مش كل من تعرفه
هتقول دول أعدائك
ويارب ما تكتبى
أسير معاه بطريق
أصله كما تعبان
ماشى كدا بيبخ
سمه على المخاليق
كلمات الشاعرة
عزه السعدني
Discussion about this post