قلبى العطشان
فدادين قلبى عطشانة
والمية الحلوة نزاحة
ياراوي القلوب أمانة
تروي عطشها ب الراحة
م لو بطلنا نحلم نموت
وبحلم تخضر فداديني
هعافر يمكن اقدر. افوت
مادام بالله يقينى
ياماشى فى الدروب تعبان
شديت وحبال الرزق عافية
متخافش من قرصة التعبان
وخاف من لدغة الحية
هتقابل وشوش ووشوش
وش بطبعه غشاش
ووش بشوش بيضحكلك
ووش ضحكته صفرا
ووش صافى كما الحلام
وشوش بيضحك فوشك
وفضهرك كما الرشاش
خد بالك من الساقى
واعرف ضميره والنية
وابنى للطيور عشة
واعمل للحمام غية
دى الدنيا غرورة
آخرها التوب الأبيض والقطنة
وصفى مع الخبيث نية
وبردو سوء النية م الفطنة
كلمات
الشاعره نفيسه عماره
Discussion about this post