كلمات الشاعرة
عزه عامر
قرب سلم
يلا إتكلم
ما تسبش قلوبنا تتألم
ما يهمش مين فينا البادي
هو إنت حقيقي هنا قصادي
لو قولت لي بحلم دا العادي
خلي إيديك تحضن إيدي
يمكن أصدقها المرة دي
معقول بعد فراقنا سنين
بعد ما دوبنا شوق وحنين
وعشنا سنين زي التايهين
لحظة لقا نستنا الماضي
عيونا مليانه أشواق
عيشناها فِـ وهم فراق
كنت كتير لعينيك بشتاق
رغم إنك عايش بين نبضي
أيوه حبيبي أنا وياك
عايشه سنين بحلم بلقاك
ولا لحظه فكرت أنساك
إزاي بفراقنا هَـ كون راضي
قلبي وقلبك نسيوا اللوم
طول بعدك عايش مظلوم
وأنت فِـ بعدي عايش موهوم
إني نسيتك وإنت قصادي
البعد ولا قصر فينا
بعد ما رحنا وقولنا نسينا
زاد حبنا أكتر وعانينا
وإتعذبنا سنين علي الفاضي
يلا نودع الأوهـام
يلا نعيش أجمل أيام
دا اللي مابينا أحلي غرام
هينسينا الآلام الماضي
قربسلم
كلمات الشاعرة
عزه عامر
Azza Amer
Discussion about this post