كلمات الشاعرة
ملك الأصفر
قلي ياحلوة
……………………….
قلي ياحلوة والله
عليكي شو بغار
حتى من الورد الجوري
وغصنو الأخضر
سرقتي قلبي وخليتي
فكري محتار
وقلبتي نهاري ليلي
و الليل نهار
…………………
قلي يا حلوة والله
ماعاد فيني
تمري قدام البيت
وما تحاكيني
بسحر عيونك ياحلوة
دوبتيني
وخليتيني لعيونك
إكتب أشعار
……………………
قلي ياحلوة إنتي
أحلى هدية
وحبك متل الناعوسة
تغلغل فيي
طيفك دوم مرافقني
بالسهرية
وعم انطر دوم قدومك
عنا للدار
…………………
قولي لأمك قولي
جاي لعنا
جايبلي باقة ورد
وجايب حنا
بلكي بترضى علينا
وبضحك سنا
وبسميها حماتي
وبحلا المشوار
كلمات الشاعرة
ملك الأصفر
Discussion about this post