يااااابهية ..

كلمات الشاعر والأديب

أحمد إسماعيل إسماعيل

.يااااابهية ..

ـــــــــــ

شئ وغامض

ركن ضلمة وركن صامت

ايوه .. جوايا كتير

كوم .. ومن فوق منه كوم

مش هموم

اللي جوايا .. صراخ

قول .. خناقة

خنقة مش لاقي لها طاقة

قول .. سؤال

كله متحني بمرارة

قول .. خسارة

قول .. ندم خناق وزايد

قول .. قصايد

قول .. بكي من غير دموع

نزف… نحر

شق جارح في الضلوع

اللي جوايا كتير

نادي يامنادي اللي ماتوا

قول بهيه

حتة من روحي وعنيه

لابسه شاكلي

شايله احزاني ومشاكلي

كل أشعاري بتبرق في عنيها

لابسة بيشة

عارفه ناصر .. عارفه عيشه

لما تاهت

كل اوراق القصايد

من بكايا عليها دابت

شفتوهاشي

قول ونادي … يامنادي

يااااااا بهية

كلمات الشاعر والأديب

أحمد إسماعيل إسماعيل