بقلم الشاعرة … إيمان سعيد 

في اللقاء دمعة و الوداع دمعة …

الحزن مش دموع الحزن كلام مخنوق جواك

الوجع مش أه الوجع جوه في قلبك

لما تحس انك من غير سند لما تحس بكسرتك 

لما انت تكون سند لروحك

طب لما يتكسر ظهرك

و رافضة تنزل دموعك

لما الغريب يسمعك

ويقول حاسس بخنقتك 

تكذب وتقول بخير و الوجع بيعذبك 

أمتي تيجي ضحكتك

و الفرح يكون سكتك

كله حزن و وجع كفاية الزمن هدك 

وانت من الوجع نزف قلبك

مخنوق بالدموع صوتك

رغم الوجع الضحكة على وشك

تتمنى تزورك الفرحة 

ماهي الدنيا كدة عايشينها بقهرة

و حزن بالروح و كسرة

جينا الدنيا بدمعة 

و هنودعها بدمعة

بقلم الشاعرة … إيمان سعيد