بقلم الشاعرة … عزه السيد

فاكرني ملاك بجوز جناحات

وشايف كل أفعالي مش هيا 

يادوب حبيت

 ولسه يدوب هقربلك 

وقلت إنك أكيد ليا

بدرت الحب على أرضك

وطيري لقاله بنيه

ولسه في فرحة البدايات

لقيتني في ثانيه منسيه

يعدي اليوم ماتسألشي

ولا مكالمه ولا رساله

ولا فيديو بأغنيه

وآخر اليوم أجيك أسأل

تقولي سيبيني نفسي أرتاح

وأعود والدمعه على خدي

بتجري بحور ومناديلي منديه

أبات الليل وأنا بفكر

وعقلي لكل كلماتك

ولحروفك بيتنكر

وقلبي يقولي خلاص سامحي

دا الحب العمر ولقيته 

وعقلي يقولي لو حبك

مكانش يهون عليه زعلك

ويوم ورا يوم حنيني إليك

صبح ميت

وحبي ليك بقى صوره على

الحيطه ومرميه

وكل دا وانت ولا حاسس

ولا شايف ولا مقدر

سامحت كتير واقول معلش

انا على بعده مش هقدر

لكن من كتر قسوة جرحي

وآلامي

قدرت أعيش في أيامي

رميت من قلبي أحلامي

أنا جيت كاليتيم لعنيك

وبإيديك والعنين شاهده

مضيت على حكم إعدامي

مضيت على حكم إعدامي

#عزه_السيد #سحرالكلمات