د عصام أبو دنيا يكتب نفسي في وطن

( نفسي في وطن)
“د.عصام ابودنيا ”
.. …
نفسى في مكان
العدل سقفه..
والحيطان
حق وسواسيه
وأمان
. نفسى أن صوتى
يعدى..ويدق البيبان
ويظل شاهد ع الزمن
نفسي في مكان
ألقاه أمان
وألقاه سكن
نفسي في وطن
……
نفسى في وطن
افرد جناحاتى
فى سماه
نفسي انى احلق للقمر
والمس ضياه
نفسي انى أغنى
للعدالة وللحياه
نفسي في مكان
القاه أمان
والقاه سكن
نفسي في وطن
…..
نفسى انى أعلق
ع الحيطان
صورة عيالى
نفسي انى اضحك
والفؤاد مرتاح وخالى
نفسي في زمن
ينصفنى..
ويحقق آمالى
نفسي في مكان
القاه أمان
والقاه سكن
نفسي في وطن
… ..
(د. عصام ابودنيا)
…..