بقلم الشاعر … الحن طليس

وبعدهالك …

يا سمرة يا جميلة يا بنت النيل 

يا حلوة يا ام العيون متكحلين

يالى ضحكتك ساحرة

 وبتسحر قلوب العاشقين

يالى كنتى فى عز غضبى

تخلى قلبى دا يلين 

وبعدهالك

انا ابنك ومن صلبك

واسمى واخده من اسمك

انا الدرويش

وانا صخرك انا نهرك

انا بحميكى من قهرك

انا اللى تمالى فى ضهرك

ورغم الغلب انا صابر

وهفضل دايما صابر 

أنا العاشق وقلبى جريح 

أنا الشاعر وغاوى كلام

 أقول دواوين 

بعالي الصوت

وانت لسه  

سايقه فى عوجك

 لحد ما فاض الكيل

ومعادش رصيد ولاقادرين نتحمل

ومعدش حاجات نديها  

خلاص اليم ولزبده

وادى احنا مثلنا ترابك 

وانا الواقف على بابك

وكلى حماس

انا السقا اللى ب استناكِ

وبسقى معاك ولاجلك كل الناس

انا الصايغ فى دكانك

وايدى تتوزن بالماس

انا الفلاح بضربة فاس

وبروى ارضى من دمعي 

وياكل منها كل الناس

وبعدهالك

إحنا برضوا مهما كان عيالك

قوليلى إيه بس مالك

كل يوم بيزيد إهمالك

وإحنا عايشين فيكى وراضيين

بقوم الصبح من بدرى

على رزقى اوام بجرى

وعشمى كله فى ربى

يراضينى ميكسفنيش

ولو مرة ببص لفوق

ومن همى بحاول افوق

الاقى نفسى حيرانه

واكون مخنوق

وروحى خارجه من جسمى

لكن بشويش

وبعدهالك

صبرت سنين

شربت المر من جوعى

وكلى انين

عشقت الصبر علشانك

وعلشانك فضلت آمين

وبعدهالك

الحن طليس