مرسال الألـم ..

بقلم …. عباس أبو عادل
العــــراق

شجـاه الشيب ..؟
چـوچـه .. وبالوجـن أزهــر ..
وبعـدهـا الـروح بيّـه والگلـب أخضـر
وبعدني مـن تُمـر سمـره أهـد واعثـر
وأماني هوايـه عنـدي وأطلب المعبر
وبعـد ريـل المحطـة بسچّتـه مصبّــر
وبعـد طبـع السچـچ بحذاي ما زنّجر
وبعـد ليـل الأمـس ما ناسيـه من طر
وبعـد ضي الگمــر بالبـال مـن أسهــر
وبعـد حلـم العمـر للـ سـاع بيـه أفتـر
وبعـد چم حسبـة عندي ابّالي تدهدر
واهم يا بياض الشيب والله آنا أصغر
بعدها سنينّا شوية وهس بديت أكبر
شح الغيث بينا وميزاب الندى محيّر
تهدهد هالعمُر نكبات وتزّحزح بمنطر
تدكدك . من أساسه الحيل . وتگنطر
چذب هالشيب مو بيّه لو بعـد يكثـر.
الزمن .. دار بـ دواليبـه وطرّ بـيّ
وگلبهـا احزان ضحكاتي وطربي
العمر يخلص ومعلومك وطر بي
الفخر لاهـل الوفـه وروحه أبيّـة.
..
. بقلم
. عباس ابو عادل
. العــــراق