كلمات الشاعر … الخال / حسنين السيد
وزرعـت قلبى خمسميت فــدَّان حنـان ..
طمعان فى ـ لَـوْ ـ لحظة لُـقَـا ،
ونزلت أعرض سلعتى ( ف ) سوق الزمـان ،
( ف ) نزلت سوق العشـَّـاقين ،
والنحــَّـاسين ،
والحـدَّادين ،
والبنــَّـايين ،
والخشـَّـابين ،
والمقهُورين على قهرهم :
أشـرح لهُـم ،
وانـزفْ بصُوتى لكل باب : ياللى هِنـَـا ..
ياللى هِـنـَـا ..
…………..
…………………..
لكن لقيت السُّوق خراب ،
ولا جالى غير رجع الصـَّــدى ،
وكأنْ ( إليـُـوت )* ع المَــدَى
هُـوَّ اللى كان ساكن هِـنَـا !! لحظة لُقا
Discussion about this post