كارمن رحال تكتب :رسالة من شهيد

رسالة من شهيد
نبضات بالعامية لكارمن رحال
_____________________

أوعاكِ يامه تلبسي توب الحداد
عارف جليبك لما يحزن ينفطر

بئا تحزني وابنك يا غالية بتوب عريس
وبأيده حورية من الجنة تخلي الليل الغطيس
نهار وشمس.. ما ينطفيش

لو شفتي اللي حصلي يامه وزفتي
ولا مكاني بالجنان وعزوتي
ليكون جليبك من حديد

ليكون جليبك من حديد
وتقولي كل بطني يا رب كل وِلدي للبلد
بيكون عريس

جتلك ياأم الولد لأمسح بتوب العرس دمعتك
نسيتي يامه؟!
نسيتي يامه أرضنا؟!
ووصيتك..!
أرضك دي عرضك ياابن بطني
أوعاك تكون بيوم ضعيف

أرضك دي عرضك ياابن بطني
أوعاك تكون بيوم ضعيف
ولا تخلي على وشها أبدا خسيس

عاااارف أنه جليبك من الوجع شاجك عليه طرحته
عارف إني كنت لعينك وقلبك فرحته

لكن يا حبة قلب ولدك زرغتي
زفتي اليوم…
ما كنت أحلم أنه فيه كده متلها..
في الدنيا ولا في الكون زفة عريس

فاكرة يامه
فاكره يامه لما جيتلك بالشهادة
قلتيلي إيه..!..
قوم وبدل توبك
دا انت اليوم صابح عريس…

إيه قولك بقه بشهادتي اليوم يا غاليه؟!!
ما تستحق منك توب فرح..!
زغروتة حلوة بتنطلق
لأحلى عريس..!

فينه بوي ياماتي من ليلة ما جاكم الخبر مرجعش ليه…!!
لساته بيدور عليّ بين اللي رايح واللي جاي
لساته ما مصدق أن ولده خلاص كبر
وإن فارق الدار القديم.

ما هو كان ضروري ياماتي
لأجل يرفع راسه بالبلد
ديما يقول خلفت أنا ولد

وإنتي تقولي
ندراه يا عمري للبلد

توب بوي الجديد طلعيه.. ليلبسه
يركب حصانه كما الفارس ويمشي مشيته

حقه يامه.. حقه يامه يتباهى بخلفته.. بين جيرانه وعزوته..هي الجنان بتاخد غير اللي بذرته ونسله تمام… قومي يا غالية وزرغتي دا وِلِدك ولد الرجال ولدك تمام.

كنت باعتلك من يومين مكتوب مع شبراوي دفعتي…….

بستعجلك فيه
تروحي وتخطبي آمنة جارتنا

عارفة إنه جلبي كان رايدها من زمان
عارف إنه مكنش لادد عليكي فرقتي
عارف يا جلبي دلوقت غصبن عن حبيبتي زفتي…..

بس آه ياماتي
بس آه ياماتي
لو شفتي اللي حصلي بالجنان
شيء يخلي العقل في التوهان
وإنتي وآمنة وبوي
والكل واحد بالاذان

الله أكبر عل جنان
الله أكبر عل جنان

دعوتك ياماتي ليه اتحققت
ربي يرزقك بعروسة من الجنة
آمنة دي إيه يا ولدي
إنت تستاهل
حورية من الحور الحسان..

فاكره يامه.. فاكره يامه، أهه جه أوان الدعوة تستجاب وتتحقق كمان.
مش كنت نادرة الندر لليوم التمام؟!!

يلا يا غالية زرغتي ووزعي ندرك كمان
ولدك رفع راسك وعلا ضحكة الأوطان

وأخوي بكرة راح يكمل طريقي وسكتي
وإنتي خلاص ياام الرجال الكل يتودد لكي…

حتة منك واقفة على باب الجنان روحها فيكي بتناديكي نيالك يا غاليه الجنة ليكي فيها قصر
بس اصبري وهلّْلي وكبري مع كل عصر…

وأوعاكي تقولي تاني ابني مات
ولا عيونك تذرف الدمعات

أوعدك يا ماتي لجيلك ليلاتي بالمنام
وأبوس جبينك وأحكي وياكي واقولك كان وكان

بس اخلعي توب الحداد
وأوعاكي تقولي تاني ابني مات

الشهيد عمره يا غاليه بيوم مامات
واللي مات دا اللي خان أرضه وباع عرضه
غاضب عليه رب الدنا بالسماوات

وختامي ليكي يا غالية
ده مسك الختام

ليكي يا أم الوِلد
من الجنة ومن قلبي
وملايكة الرحمن تبعتلك كمان

مليون سلام
مليون سلام