بكتب بحروف الكلمات
صورة ثوره..وبطل مات
صورة ثوره
……….
على كلمة مصر اتلمينا
ملايين بنقوى فبعضينا
عمرى ماكنت بحب الزحمه
قولت يارب ازحمها علينا
كنت بخاف م الليل وبروده
بات البرد غطا مدفينا
وبنات باتت وسط خيامنا
حطينا شرفهم فعنينا
واللى يضيع م الواحد منا
بعد ثوانى يكون فادينا
……..
اللى بيهتف ارحل .ارحل
سيبنا وخد زمن الطغيان
واللى بيعزم غيره فاكله
واللى يداوى فالعيان
واللى اتوضى يصلى فليله
واللى مع الانجيل سهران
واللى يغنى يشجع قلبك
واللى يقول اشعار فديوان
والمستنى يقدم روحه
ورده جديده فالبستان
ثورة مصر دى شئ موش عادى
اسطوره لكل الازمان
عمرى ماشوفت فاى مكان
حب الناس اشكال والوان
عمرك كنت تصدق تلقى
مصر بحالها جوه ميدان
مصر بحالها جوه ميدان
الشاعر حسن الطواب يكتب … صورة ثوره
مجلة ثقافية اجتماعية فكرية لا تتوخى الربح ، وتهدف لرفع مستوى الانسان بشكل عام وتمتين الصلات بين المثقفين ، ودعم الطاقة الشابة الناشطة في الشأن الاجتماعي .
Discussion about this post