حنين قلبي …

كلمات الشاعرة … منى الفؤاد
……..
وسيرتك غنوه تتردد على لساني
يافرحة عمر ماليه قلبي وكياني
بُعدك عني هز مشاعري من جوا
وجوا الروح بحس انك بقيت جاني
هقولك كلمة ووصيه بوصيها
بلاش ايدك تسيب ايدي ولو ثانيه
بحس بغربه من بعدك بتوه فيها
وبشعر اني مش هي بقيت تانيه
يالحن جميل ودقاته حنين قلبي
ايقاع مكتوب على جبيني بايد حانيه
جروحي لو تزيد وتزيد
بلمسه ايد تداويني
انا عشقاك بشوق العمر وسنيني
ولما البعد يغلبنا تروح تمشي
تسيب روحك مع روحي تونسني
ولو تنده تلاقيني بقيت جنبك
اجري عليك وجوا القلب راح اضمك