الشاعرة منى بابوري تكتب … حكمت المحكمة

اكمنه ملكش مكان
و عمال بتحشر نفسك
و لا بينهم شكلك بان

خذها من قاصرها يا قلبي
و ارجع لذات المكان
وحدة ويا صمت
و لو حتى قالو جبان

غباء على سذاجة
الناس مش محتاجة
غير قلب في ثلاجة
و انسان ما هواش انسان

على شان كدا انهردة محكمتك
تصدق و لا نفعتك وسامتك
و لا حتى طيبة قلبك
هتشفعلك في اي زمان

حكمنا عليك بالبعد ع الناس
و مدام قلبك كدا حساس
نفضها سيرة من الاساس
و حكمك تعشق لون السواد
و تنسى بقية الالوان

لا نفع معاك الواقع
و لا نفع كمان الافتراضي
انت في الهم واقع
و عاملها مبسوط و راضي
نصيحة ليك مننا
ارجع قبل فوات الأوان