زعلان ليه …

كلمات الشاعرة … عزة الزرقانى

ما عملتش حاجه تزعلك ..
عشان تخسرني أو اخسرك ..
طب ذنبي إيه ل كل ده ..
وعملت إيه خلاك كده ..
رد عليا أنا ب اسألك ..
ما عملتش حاجه تزعلك ..
كنت حبيبي قدري ونصيبي ..
وب اخاف عليك طول عمري ..
نسيت أوام كل الغرام ..
ونسيت لُوقانا يا قمري ..
دا اللي يحب حبيب ..
ب يسامحه ويخاف عليه ..
مش يجرحه ويلوم عليه ..
هو انا ليا حبيب من بعدك ..
يبقى ازاي هاقدر على بُعدك ..
أنا ما اقدرش حبيبي على زعلك ..
لو ب ابعد ثانيه التانيه ارجعلك ..
ما عملتش حاجه تزعلك ..
زعلت مني خاصمتني ..
من غير محاكمه حاكمتني ..
وأخدت القرار أعيش ف نار ..
والإنتظار خد لك ب تار ..
أكتر ما كنت عاقبتني ..
زعلك حبيبي يهمني ..
وب اخاف عليك وحياة عينيك ..
إحلف وقول إشتقت لك ..
ما عملتش حاجه تزعلك ..