لأني حببتك …

الشاعرة…. منى البابوري

لاني حببتك
هبقى مش زي التانيين
هبقى حد ملوش شبيه
ما بين اتنين

لو قلت الشمس
النهردة ما طلعتش
تقولي اه
انا و انت شاهدين

لو قلت بردانه
و الدنيا حر
تقولي فعلا
دا حتى عنيكي تعبانين

و لو صرخت بأعلى صوت
و عارفة إنه مش كويس
تقلي صوتك حلو
بس يا ريت توطيه حبتين

اني حببتك
يعني يكون في اختلاف
و اكون مسنودة
و مش من أي شيء
بخاف

اني حببتك
يعني في وجودي
الكل غايب مجاش
و ان غبت عنك
يعني الدنيا ما طقهاش
تفضل كارها لحد ماجي
و عيوني ما تنساهاش

اني حببتك
يعني شبهك الوحيد
يعني صورة حلوة منك
لا يمكن تنقص أو تزيد
يعني روحك يعني قلبك
يعني بجدارة انا و انت
نتحسب م العاشقين