شاور لي بحنيه …

كلمات الشاعرة
منى الفؤاد
……..
وكان الدنيا بتضحك لي
وكان الورد
مفتح لي
وكان الروح رجعالي
احساس مايتوصفشي
لما شاور لي بحنيه
قال افرحي ياصبيه
انسي همومك على كتفي
همسح دمعك
وسيبك من هم الدنيا
واناواقفه ياناس محتاره
اصل الدنيا غداره
بتاخد قبل مابتدي
معقول هتحن من تاني
وليها من روحي مادفعشي
يا دنيا مخبيه ايه تاني
وحياتك لتردي
دا انا عاشقه وغلبانه
خايفة اشرب كأس سعدك
يوم ولا اتنين
قولي ساعة ولا سنتين
وارجع من تاني غرقانه
الخوف بقى اساس عندي
ناسك منهم انا تعبانه
دا انا فاضل مني بواقي انسانه
جرحتي جروحي ياما
مش قادره اصدق اوهامك
عشت كتير ندمانه
مش هقدر تاني اتحمل
ضعفي ولا هقبل اعيش متهانه
قولي ومتخبيش
انا قلبي لكلامك ملهوف
راح اعيش جواكي بقوة ضعفي
ملكه و ف قلبك متصانه