كلمات الشاعرة … هيام الشهاوى
ياللي ماصعبناش عليكم
ارحمونا من الوجع
اشتهيتوا الضرب فينا
واحنا لسه بنتوجع
طول ماكنتوا محتاجيننا
كان بيحلالكوا السهر
دالنجوم تشهد علينا
واسألو الليل والقمر
هان عليكوا دموع عنينا
بعتوا يعني واتنسينا
انتوا ليه ماتمرش فيكم
كل أيام الدلع
يالي ماصعبناش عليكم
ارحمونا من الوجع
ليه نسيتوا الود بيننا
م اللي فرق يوم مابيننا
داحنا أول ماتقابلنا
اللي جمعنا القدر
ليه سافرتوا ونسيتونا
كنتوا فين طول السفر
ياللي ظالمين الهوي
زيدوا قلبي اللي انكوي
اتعبونا اوجعونا
بس نبقا في يوم سوا
رجعوا الود اللي بيننا
كل طير لف ورجع
ياللي ماصعبناش عليكم
ارحمونا من الوجع
الوجع …
مجلة ثقافية اجتماعية فكرية لا تتوخى الربح ، وتهدف لرفع مستوى الانسان بشكل عام وتمتين الصلات بين المثقفين ، ودعم الطاقة الشابة الناشطة في الشأن الاجتماعي .
Discussion about this post