تعرف مع الرواد على ….ثنية الوداع

كتب … أشرف كمال
طول عمرنا بنسمع آبيات الشعر اللي استقبل بيها اهل المدينة النبيﷺ وهو داخل المدينة المنورة مهاجرا من مكة و هما بيقولوا ، (طلع البدر علينا من ثنية الوداع )
سألت نفسك قبل كده عن معني كلمة ثنية الوداع ، ,لو مش عارف معناها تعالي اقولك هي ايه ، اللي في الصورة تحت دي هي ثنية_الوداع و ده ممر بين الجبال في مدخل المدينة المنورة و منه تقدر تدخل للمدينة و بياخد شكل ثنية جبلية ، طيب ايه قصتها بالظبط و ليه سموها بثنية الوداع 🙄
الممر ده او الثنية دي كانت قبل الاسلام بتدور حواليها اسطورتين اشاعهم الوثنيين و اللي..هود الاسطورة الاولي انهم كانوا بيقولوا ان اللي يدخل من الثنية دي لازم الاول ينهق زي الحمار عشان لو دخل من غير ما ينهق حيصاب بالحمي و يمو.ت فورا قبل ما يعديها
الاسطورة_التانية بتقول ان الثنية دي كانت ملاذ لقطاع الطرق و شرب الخمر و كان اللي..هود بيدبروا فيها المؤامرات يعني كانت وكر للفساد بكل اشكاله و كان الاوس و الخزرج بيخافوا يقربوا منها و سموها ثنية الوداع لان اللي يدخلها لازم يودع حياته
ويوم دخول النبيﷺ للمدينة او يثرب وقتها كان الصحابة و اهل المدينة ينتظرون قدومه علي الطرق الرئيسية و لم يخطر في خيال احدهم ان يخرج النبيﷺ من ثنية الوداع و لكنهم فوجئوا بالنبي الكريم راكبا القصواء و خارجا من ثنية الوداع فأنشدوا و قالوا “طلع البدر علينا من ثنية الوداع”
فكان دخول النبيﷺ من ثنية الوداع التي ارتبطت في اذهان اهل المدينة بالشر و الفساد هو بشارة الخير و الامان لكل اهلها و كما كان احمدا فكان ايضا ماحيا لكل اساطير الباطل و الفساد