طير مجروح …

كلمات الشاعر … أحمد ماهر أبو نورا

« ولا مره حكولك عني »

ولا مره حكولك عني…..
وقلولك إني…..
بتعذب وبموت…..
وعايشه حياتك سعيده وبتتهني….
ونسيتي اللى عملتيه
وبسهوله كدا دا كله يعدي ويفوت……

سنين كتر ولا حد حكالك عني….؟؟؟؟؟.
ولا افتكرتي اللى عملتيه في يوم…
لساها كفوفك متحنيه بدمي…….
طعنتيني بخنجر بخيانتك وغدرك
كان مسموم……
لا انا ميت ولا انا عايش…..
لابسه مواجعي فى ايديكي غوايش….
صوتها بيرن فى وداني كل يوم…..

محدش جاب قدامك سيره وحكالك……
ايامي خلتيها ضلام في ضلام
وسوادها حالك…..
صعبة على جميع الناس….
يامنزوعه القلب والاحساس….
وانتي…..
وانتى ولا على بالك…….