كنت جنبك كل مره

كلمات الشاعر .. حماده عركز

كنت جنبك كل مرة
وكل جرح كنت اطبطب
لما كان جرحك يطيب
…………………..
كنت تغلط فيا دائما
كنت بسكت
عمري مرة ماشفت
جرحك ليا عيب
………………………..
كنت بتحمل همومك
لو في مرة شفت منك شعره بانت
كنت بغطيك بقلبي
قبل ما تغطيك هدومك
……………………………
كنت تغضب كنت تزعل
كنت بكتم زعلي وزعل جوه مني
وعمري ما فكرت الومك
………………………..
اصل عارفك
كل مابضيق في قلبك
تبدتي تهاجم شفايفك

وأنا قلبي عشان بيعشق
كان بكل مافيا شايفك
………………………….
وأما جيت ازعل في مرة
كنت فيها حزين وخايف
جتلي أنت بقله مره
وقولت اشرب
لما جرحت الشفايف
…………………………..
كل كلمة سامعها مني كات بزيئة
كل لحظة كنت بشكيلك همومي
كان في قلبك مني ضيقة
…………………………..
كنت بتمناك في لحظة
تزرع الإحساس في قلبي
تمد ايدك تمسح الدمعة البريئة
…………………………..
بس خني ظني فيك
كنت أول حد باعني
وأنا يعني
إللى بعت الدنيا دي
وبعت روحي وبشتريك
……………………… .
أنا آسف بس يعني كنت فاكر
إن ليا خلاص شريك

لو هنحزن نقسم الاحزان علينا
وأما تيجي الفرحه نفرح
الدموع تكره عنينا
………………………..
بس أنت وقت حزني
قولتلي أن ملكش دعوه
حتي وقت ما كنت بدعي
عمري مره ماشفت منك ليا دعوه
…………………………………….
مش بلومك ولا جاي اعتب عليك
ولا جاي علشان تشفني
منكسر فصعب عليك
………………………….
أنا جاي بالصورة كاملة
بين اديا وبين اديك
يمكن الكلمات تبين
حاجه كانت جوه مني
تقدر اللحظة تشوفها
وهي باينه قصاد عنيك