وليه الأوضة تتلوّن …

كلمات الشاعرة …
عزة أحمد أبوزيد أبوزيد

وليه الأوضة تتلوّن
وتمحي ذكرى من ذكرى
وجدران الحياه راسمة
صورة بتوصف
في ليل بكرة
انا عارفاه وعلى فكرة
دا اللي يا دوبك
باع في كلام
وكل وعوده كات أوهام
ولما تقربي منه
يقول شطبنا
شوق وغرام
ولما تبعدي حبّة
يعود باكي
يبوس الإيد
يمثل إنه آل حيران
وتاخدي إيه من التعبان
ناعم بيدفّي … وبيلدغ
بضحكة باهتة مسمومة
يبات فرحان
صحيح يتقن أوى في الدور
وبيثبّت بنات الحور
جدار قلبه اللي كان سايب
سايب بابه ومتوارب
ويتكلم عن الحرمان
واجمل حل دلوقتي
هو النسيان
وإمحي اللون
وإمحي الصورة
لو محفورة في الذكري
وارسمي قلبه
٣ ألوان
أسود لونه كان قسوة
والاحمر نزف أيامك
والابيض كفّن الأحلام
وليه الذكرى بتكون لينا
تلّ هموم ؟
نعيش ف التوهة وياها
وتملي نقولها نسياها
وف الآخر كلام ف كلام
وآخر السطر شطّبنا
و لازم نحيي أيامنا
نفرح قلبنا بذكرى
نعيش ويانا مع بكرة
يا قلب ابيض
وشاف م الدنيا قساوتها
تعالي ارسم لي ع الجدران
ارسم قلب ♥ لون الورد
هاتي هدية على قدك
حبي كيانك
حبّي حياتك
انت أجمل حاجه تتحب
وانت الحاضر والمستقبل
وانت الفكرة
ردا علي كلمات الجميله سماح مشعل