دايرة وبتدور واقفين في طابور
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
دايرة وبتدور واقفين في طابور
منه المذكور والغير مذكور
فيه اللي معدي عليه الدور
بس اللي وراه دايما مجبور
بفلوسه تملى يعدي بحور
مش فارقة معاه هتلف ازاي
ولا مين هيعدي الدور الجاي
كل اللي فارقله طريق ميسور
بيدوس ع الدايرة يصيب في كسور
لفقير غلبان دايما معذور
وتحسه حزين ومالوهش جدور
ولا شاف تكوين
مش عارف امتى في دوره يفوت
تلقاه زعلان ولا يوم مبسوط
على طول متأخرّ في المواعيد
وحياته ما فيها أي جديد
وكانه متور بيدور مجبور،،
على اللفة الكاملة مبيهديش
والدنيا مقبلاه بالتلطيش
جوا الخلاط كوكتيل معصور
وما عنده بديل زي المأثور
مبتور القلب ما شاف النور
أراضيه بتبور،
ويدوب بيكفي اليوم باليوم
محروم مظلوم دايما مهموم
والصوت مكتوم
ولا عينه دي عارفة تشوف النوم
بس مفوتش صلاة ولا صوم
وتملى بيدعي آله الكون
يغنيه لو بس بلقمة حلال
لجل اللعيال ويكون دا مثال
لفقير وشريف
عاش عمره بقلب صريح ونضيف
مش طالب غير جنة آخرة
ومستني الدور
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كلمات الشاعر
سامح السبكى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
دايرة وبتدور واقفين في طابور
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
دايرة وبتدور واقفين في طابور بقلم الشاعر سامح السبكي
مجلة ثقافية اجتماعية فكرية لا تتوخى الربح ، وتهدف لرفع مستوى الانسان بشكل عام وتمتين الصلات بين المثقفين ، ودعم الطاقة الشابة الناشطة في الشأن الاجتماعي .
Discussion about this post