” شعر بالمحكي” “نزف الروح “

بقلم الشاعرة مروة جهمي بيرم

رحت عالدار لزور الاحباب.
لقيت الدار عم تبكي …
على الغياب
سألت الدار …
وين الأهل؟؟ وين الاحباب ؟؟..
صرخّ الصّدى شّهق الباب …
راحو وما حسبولنا حساب…
غابوا مع الغروب …
و الليل طال …. و الشمس ضيّعت الدّروب

و الحيطان تصدّعت ….
.وتخلّعت البواب
تكسرت الدّراج…
يبست العريشة …
والعشب ملاّ العتاب . ..
….وشبابيك مشرعة…
…. على بحر من العذاب . ..

.ندهتلهم بهالّليل الطويل .. .
بركي بترجعوا يا احباب ..
..ماردوا جواب.
وطال .. الهجر ..
… وطال العتاب
راحوا …..وتركوا ذكراهم .
.. بزوايا الكتاب …
.فلفشت الكتاب… ورقة …ورقة
..ونبّشت فيه….سطر… سطر .
قاعدي وحدي عم برسم بدموعي صور
ما لقيّت إلاّ غصّة و وجع…. وقهر
…. وحروف مكتوبة بالجمر …
وعناوين شقى وتعب وسهر ……
وصفحات معتّقة بخوابي الدهر
و تمزقت وراق العمر …
وتفتت على الهجر….
.ما بقي غير كومة حجار
وشوية رمل …
..وحنين ما بيروح ..
…عم يصرخ
من صميم الروح
راحوا وتركوا القلب مجروح …
راحوا الّلي
… كانوا الروح ..
….بقيت ذكراهم….
…وكوم. جروح….