وروحي يا روح
مانيش ناقص ف قلبي جروح
وانا المدبوح
سنين بيكي
أراضيكي وما بترضيش
وأحايل همسة ف عنيكي
ما تتحايليش
ودلوقتي..
رماني البوح
سفينة مغادرة مرساها
وواخدة الصبر وياها
وسايبالك على شطك
نايات النوح
سنين جاية
سفاين شوق ومنسية
وليل عتمة بلا ضيّة
أنين مجروح
ولو فاكرة اللقا ريّة
متفتكريش
سنين فاتت
لقانا كان على ميّه
وما بيرويش
عطش شوقي
شروقي كان
ليالي نبعه من ننك
وغاب عنك
فراق واصل ف وقت غروب.
محمد البنا…القاهرة في ٢٠٢٢
وروحي ياروح بقلم الأديب محمد البنا مصر
مجلة ثقافية اجتماعية فكرية لا تتوخى الربح ، وتهدف لرفع مستوى الانسان بشكل عام وتمتين الصلات بين المثقفين ، ودعم الطاقة الشابة الناشطة في الشأن الاجتماعي .
Discussion about this post