كأنه أمبارح…. ناديه حجاج

كأنه أمبارح…. ناديه حجاج

بقلم ناديه حجاج

خلجات نبض القيثاره
كانه امبارح ………. كأنه مش بعيد
كانت امي معانا ….وايامنا كانت عيد
كان ابويا روح …..الحياة والكل سعيد
كان لينا بيت ……بيضمنا وسرير وحيد
في بيت جدرانه ……شتققت لكنه عنيد
كان بيضمنا انا……. واخواتيعمر مش بعيد
الحياة كانت …. بسيطة اغنية بدون تنهيد
طبلية ابويا ……وشاي بالنعناع ساعة عصاري
ونستني رجوع ……. ابويا والخير كان بكاري
وريحة اكل امي من…. جمالها يشموها اللجيران
نقرا تاريخ وناكل بطيخ ……..ونسمع العندليب
كانت الحياة هادية…… ….وجميلة افلام شادية
ولما تشتغل حفلة الست …… نشوف ابويا بيدندن
ولما المنتخب يلعب……… كنا نشجع الكورة باتفاق
واحنا اللي عمرنا ما ا……؟..تفقنا الا علي لمة الغدا
ومعاد الكتاب والمنافسة……….. مين حيفظ الكتاب
كنا ولا ينحلم ولا خايفين …..من بكرة ولا بتفكر
كان يوم يعدي واخر اليوم ….. … نروح في النوم
نحضن بعض وكأننا بنشتاق لبعض …
واحنا مع بعض عايشين 🖐️🖐️🖐️
كانت لمة وهيصية كانت …………نعمة كبيرة اتاري
معرفتاش قيمة كل حاجة… الا لما راحت كل حاجة
محسباش حساب يوم …..تتفركش اللمة ومفكرناش
حيجي اليوم يرحلوا الاحباب……. والبيت مايسعناش
الحياة سرقت احلي مافينا سرقت حضن كان مدفينا.
سرقت زمان الفرحة……….. وبدلت طعم الايام فينا
مبارح كنا عيلة واخوات…… كله راح في دوامة كدابة
ونسينا الاحساس بالدفا وضحكتنا كانت للجروح شفا
راح صوت ابويا بجلجل لما كان ينادي الحيطان تتهز
راحت ضحكة امي ودعوتها لينا اللي بيها عشنا ف عز
راحت ايام لعبنا مع بعض وهزارنا وخناقنا ع التفاهات
كنا نتخانق وكان الكلام خانق ونزعل ساعات ونتصالح
لكن عمرنا ما نسينا أننا اخوات مالناش غير بعض فالاخر
غابت الضحكة وبعدت المسافات وكأن الكلام اتبدل لسكات
كانه كان امبارح ….لكن الحقيقة عمر ضاع وعدي وفات
ايام مش فاضل منها غير حبة صور وبيت بابه اتقفل ع الذكريات