هيا دنيا معذبانا
م البدايه لمنتهانا
فيها دايره تلف بيك
تجرحك فين ما تلقيك
واحنا زى الهبل فيها
دايسه فينا بالغويط
وأما جينا ف يوم نِصَرَّخ
قالوا فيها إنك عبيط
اه م الدنيا واللى جرالنا
أحبابنا جم نكروا جوارنا
بس خلاص مبقوش أحباب
بإديهم هدوا الأبواب
الأحباب باعوا برخيص
والصاحب كان طبعه خسيس
الدنيا وإتقل ف خيرها
والكداب عالى ف منابرها
الصادق بقى شكله غريب
ويعيبوا ويقولوا دا ديب
وبعدهالك بس يادنيا
ياترى وخدانا على فين
فيكى الصدق ملوش رجلين
الآفاق بيخلص حاله
وابو ذمه محتار ف سؤاله
اهى دنيا وبتلعب بينا
وأهى تاهت فيها خطاوينا
كلمات الشاعر
محمود محمد فليفل
من ديوانه الشعرى
ام الصابرين
Mahmoud Mohamed Flifel
