كنت ليه …
بتضمني لما انت ناوي ع الفراق
هو انت ليه !
داخل سباق مع حبنا
وحياة عينيك اهدى شوية
وحبنا على قدنا
انا برضه من إحساس
ودم وباعشقك
هو انت إيه !؟ مش ربنا ..
الصبر مفتاح الهوى
والعند عمره ما كان دوا
فبلاش خناق.. القلب ضاق
وماعدش قد المستوى
انا باعترف إني باحبك مرتين
وانت عبارة عن سما
فيها المطر والاكسجين
انت النَفس وانت الحياة الممكنة
وانت إللي فات من عمري
و لسه بأمله من ربنا
وانت الفرح وانت الفؤاد
إللي انشرح
لما بقيت 👇🏼👇🏼
“انت أنا”
ماتهدى حبة وبلاش تعكر شمسنا
انت لحياتي الأرض الآمنة
وانا عمري يدور ميت الف مرة ف السنة.
رد عليا …ياااا أنا.
كلمات الشاعرة
جيهان النجار
