يا طبيب القلب قولى
هو قلبي عليل صحيح
ولا هي الروح بتبكى
وقلبي منهم ليه جريح
جاى تشفى بايه جروحي
وعمري زاد فيه النويح
الجراح ف الروح بتكوى
وجسمى م الجرح صحيح
طال بعاد أحبابى عنى
واشتياقى ليهم صريح
عشت أكتب ألف معنى
والكلام عنهم مريح
ولما بعدوا القلب غنى
كام موال طويل حزين
والمعانى الحلوة هاجرت
ضاع هواهم ويا ريح
فات عليا وقال تعالى
نبنى عش غرام جريح
لا الطبيب يقدر يداوى
ولا الغرام هيعود صحيح
يبقى نصبر ع الليالى
وبكرة جاى بالخير كتير
كلمات الشاعرة
عزة السعدني
