نِدعة جمال

نِدعة جمال ..
بوحك هطول الشجو
ترنيمة سمار
لونك ومبدور إنسانية والريحان يتغنىٰ بيك
وبيغبطك ..
على بهجة الشمس بخُطاك
وهواك ينبّت في المدى
سرّ ونغم بيصلوا فيك
مش أي حد بيلمس الورد بشذاه
ساعة ما نبضك يرسمه
ولا أي حد يشوف قمر
روحك وحواليه النجوم بيغازلوا فيه
وجدك إمام الوصل
بجبين النهار
مددك رؤاك المُدهشة
للبرتقان
يا مكحّل العين بالضيا
القمح من غيرك هشيم
وخضوع وكف الريح
رِخم
زي اللي خلّوا باعتداد
السُخرية
طرف اللسان
طالع بينهش في الحيا
لو يسألوا حروف القصيد حتقولهم
من غير نايات اللي ابتدع
ري المجاز
هاعطش واموت!!
لكن باعشّق في عيون قلبه اقتراب
نِدعة جمال ..
من روحه تسقيني الأمل
أفضل معاه ..
في الغربة يُتما ف بعضنا
رادّين لبعض ف حلم
هربان م السقوط
بينا ف لظى
قبضة خئون
متدبي ورا ضهر الغمام
بيسن في السيف الجبان
على نخلة متحاوطة
ف كيان
اللي رسم ..الشعر دا
بمداد صبابته اللي الكمان
يشهد لها ..
بالإنحياز للمُثقلين
بالطعن ونزيف الكمد
يا ابو لحن وتره قتيل
نَداه
في هزيع أخير للضلمة راح
من حكتمك!
والمعنىٰ صوتك يطرحه
وترتّلُه يشكّل چواك
أهازيج عتيقة من غصون
عشقك لهمس ملايكة
نازلين يكتبوا
إسمك وجوّاك الخليل
إسمك وجوّاك المسيح
إسمك وجوّاك الحسين
إسمك وجوّاك النبي

كلمات الشاعر
حمدان حلمي