على وتر القداسة ..
طب والعمل :
لو جيت لقيتك لسه
متكتّف حنين !
رافض تحرّك قوّتك
محمي بوقوفك
مُنتشي بالإنتظار
قافل بيبانك ع اللي محتاج يدخلك
وتوصّلُه
ايه وصّلك للدرجة دي ؟
خلاك تشقّي الناي معاك
والشوق يعشّق نظرتك
في الإستماتة تشوفه جاي
لو بعد عُمر بحس روح
يلمس مكابدة لهفتك
على حد ما اهتمش
بمقدار التياعك في الحياة
وانت الحمام ..
بيغازل الجرح اللي فيك
ويحاول إنه يرفرفك
وتقول ولو :
راح تدّعي إنك شُفيت
من هجر معشوقة
الكيان
لعيون قصيدتك اللي
راضية بحملها
يزيد بالقوي
من أجل وردك في الفؤاد
يِحلو أكتر من كدا
مع كل غنّيوة بشذاه يتغنىٰ بيها النازفين
تباريح مواجع والقوليب
بيقول يارب ما تنقطع
عن كل اللي بيبتدع
بالعشق وصل يكون
صلاه
مقبولة من ..كل اللي زيّك في الهوىٰ
وعزفك على
وتر القداسة بحب موت
كلمات الشاعر
حمدان حلمي
