بقلم الشاعر … مصطفى ابوزيد
أنا والبحر …
………..
البحر قال: إقعد قدامي
وإرمي حمول الهم الدّامي
قلت: كفاية الغدر ياصاحبي
قال لي: ده نفس اللّي في موالي
حتي البحر أبو الأمواج
واللّي يجيه أفواج أفواج
بقىٰ بيقاسي من الغُدار
موجُه يعاني بصهد النّار
أغرب شيء بحقيقي أنا شفته
إن البحر الحافظ هيبته
والمعروف بهدوؤه وطيبته
بقى محتاج لدولاب أسرار
أنا والبحر بقينا أصحاب
وانا ويَّاه إنّ خد أو جاب
ولافيش بينا لاسور ولاباب
نشكي لبعض من الأحباب
قالي ياصاحبي أنت الإنسان
وإنت العقل معاك بآمان
تقدر تتخطى الأزامات
أما أنا كائن بس مكان
قال لي إتخلص من أحزانك
وأكتب من حلمك أشعارك
وأخرج للعالم وإتمتع
نعَمُة وربك رضي وادالك
إنسى الماضي مع الخاينين
دول حواليك في شمال ويمين
بين النّاس لاصقين عايشين
ربك عاصم م الضًالين
حبّ الدّنيا زي ماهي
خلي الكون أفرحه هنية
قلت يابحر حقيقي صحيح
حلوة الدّنيا وزي ما هي
قلت يابحر حقيقي صحيح
حلوة الدّنيا وزي ماهية
بقلم الشاعر … مصطفى ابوزيد
