بقلم الشاعر … مصطفى ابوزيد
لما تلعب بالمشاعر
تبقىٰ بالأحلام تغامر
ياللي قلبك لو سايعني
كان هيبقىٰ بعشقي عامر
لما تلعب بالمشاعر
وإنت مش عاشق صحيح
تبقى مش في العشق ماهر
قولها بالعربي الفصيح
أنك إنت أُلعُبان
بس بكره الشوق يبان
لو تخبط ع البيبان
تلقىٰ قلبي خلاص جريح
قولى بس إزاي بترضىٰ
وإنت بتوزع غرامك
ترمي قلب في نار وتنسىٰ
كل فكرك بس حالك
خاف لا يوم يجيك تلاقي
نفس حالك زي حالي
تبقى تتمنى التلاقي
يومها أقول أنا حقي جالي
يومها أقول أنا حقي جالي
بقلم الشاعر … مصطفى ابوزيد
