بقلم الشاعر … مصطفى ابوزيد
بكتب كلامي وافهموه
ياللي غاوين تنكروه
ظلمكم مابقاش يضايق
غدركم كتير شافوه
غصب عنكوا دوري جي
مين هينكر اني حي
انتوا موتوا جوه منكوا
انتوا عتمة وحلمي ضي.
انتوا فيكوا الكدب غاية
وفروا فصول الرواية
ليه تداروا مابان عليكوا
عليا انا تتر النهاية.
دنية الأوهام عيشوها
كل كدبة صدقوها
العنوا وجودي في حياتكم
والحقايق كدبوها.
يلا سيزون صدقوني
خصم عالي خسروني
اشتروا وبيعوا وتاجروا
عيشوني وموتوني
كله عارف انتوا مين
انتوا شلة كدابين
وانتوا مهما كبرتوا عادي
جني مني صغيرين
بقلم الشاعر … مصطفى ابوزيد
Discussion about this post