ما تِهتَمِّيش بمِين باعِك

ما تِهتَمِّيش بمِين باعِك

ومين بايْعِك

بُذور الحُب في أرضِك

زرَعها بمُهجِتُه وكِيفُه

فَتَح شُريان بدَم الرُّوح

طَراوَة لقَلب تَكْيِّفُه

كَتب عَقد الهَوىٰ لاجْلٍ

تكوني قَصيد لتَأليفُه

وحُضْن الفُل كان بِيتُه

وكان عِشقُه وكان طِيفُه

هاجِرتي بكُل شئ فِيكِ

ولَبِّيتي وحَجِّيتي

صَدقتي ببَيْعِتِك ليهُم

ونَقضُوا العَهد بِعنيهُم

ما تِهْتَمِّيش

مفيش عَهد ف زمان الكِذب يِصدَق شُوف

وكل كلام صَبَح خايِن

وبيْقَلِّب آلام البُوح

يا طِير مَلهُوف علىٰ كِلمَة

ومُوجِة حُضن في ضَلمَة لِبَحر الخُوف

يا طِيبِةْ قَلب مَكتُوبَة وبِتنادي

يا عُمر العُمر يا بادي

وفَرحَك مِ الحياة مَجروح

مفيش بَيْعَة فِ أيام انْكِسار الرُّوح

خلاص خِلْصِت وبَقىٰ صُوت الأمَل مَبْحوح

ما تِهتَمِّيش

كلمات الشاعرة

منى عبد الرحمن