كلمات الشاعرة
عزه السعدنى
واهو عدى العمر الساكت ونسانى
على أول شط الحب وخلانى
عايشه على وهم هكمل عمرى الجاى
اتاريه توهنى ف بحره وسابنى هناك
بتطل عيونى من شباك الأحلام
على كام موال من عمرى الضايع على سهوه
لا شربت مع الأحباب الشاى
ولا حتى رشفه من قهوه
واهو عدى عمرى التايه ف بحورك
ملقاش مجداف علشان يحدف
ترانيم العشق الممنوع جوات قلبى
أو ليل الحب المتسهوك على ضى الشمع
أهو عدى العمر وفات ف القلب حاجات ياما
ياما اتمنيت بس أقابل طيفها ف حلمى
أو مرة القلب يعيش منها لمحة بتتعاش
مع قلب يكون حافظ ودك ولا لحظه نساك
ياسنين العمر المنسيه على شط العوم
خفى علشان قلبى اتحمل أوجاع الغدر
وكمان تراتيل الصمت ف دواوينى
وتعالى معاه خلينى أحاول واتأقلم
على حب الصبر
فارد جنحاتى على قلاعك يمكن احضن
آخر لحظاتى وأنا صابر على غدر الحب
كلمات الشاعرة
عزه السعدنى
Discussion about this post