بقلم الشاعر … الحن طليس
أنا هـ أدعى
وقولوا آمين
بحق النجم والفجر
اللى مش راجعين
اللهم ياربى
وإليك الأمر
تكفينى بما يرضيك
وأنت وكيلى
فى الدنيا وفى الآخرة
أنا عبدك يارب ضعيف
أنا جاى لك
يارب العرش
أناجيك واستغفر
أتوب إليك
وحق مزارع الزيتون وحق التين
وحق الدفىء
بيهاجر مع النايمين
ما تجعلى وكيل غيرك
لغيرك لاء
عبيد ظلموا
عبيد ظلوا
ومش فارقه
رايحين على فين
بمن فيهم
ومن منهم
وحق الأمن
لما يخاصم الخايفين
يا رب العدل والظالمين
ضلل بالأمان والأمن
على فلسطين
إسمع شكوتى ربى
وكن قربى
وكن لى معين
وإجبر قلب ذاب يناديك
وحق طه
وحق يس
لأهل الجنه تاخدنا
راحه وسلام
وانعام كتير ونعيم
فاللهم
يا وكيلى
تكفى العبد ابن طليس
إليك الأمر وأنا راضى
بما يرضيك
بقلم الشاعر … الحن طليس
Discussion about this post