وشوشت السما بالطول والعرض
وفرشت قصادي اصلي الفرض
والناس تستعجب على شكلي
ده بيبني في مركب وسط الارض…
وكترت عليهم رموك في البير
وقالو الديب غدار وخطير
وباعوك بالبخس وتبقى اسير
والسجن تمن لصيانه العرض…
انا شوفت كتير وقابلت اكتر
فيه ناس شطار وناس اشطر
و حجاب امي الله اكبر
خلاني قوام حاضر في الرد…
انا رحت بلاش وبلاش مارضيش
وخلاص الموت مايخوفنيش
غير بس يادوب حبه تحابيش
جوايا لسه صاينه العهد …
على كفي مكتوب عنوان
زي الشتا في عيون بردان
مركب نوح معموله علشان
يوسف يحكم في خزاين الارض….
وشوشت السما بالطول والعرض.
كلمات الشاعر
مصطفي البحر
Discussion about this post