نص حلم

قصيدتي دايما عنيدة

ومخصماني الحروف

واعتزلت الكتابة وإتبترت مني الكفوف

طول عمري بره الوليمة

ومنسي  من كشف الضيوف

رامي شباكي ف بحر الرمال

خاني خيالي وخانتني الظروف

الشمس حاضنة القمر وم عادتش فيها كسوف

وشمسي بخلت بنورها

وخنقها الكسوف

عايش بنص حلم

وتحقيقه ليه مخسوف

عَشق المرار دنيتي

والحلو مش مألوف

هى الحقيقة كدا

بعيشها بقلق وبخوف

ياخدنى نحيب المياتم

وفرحي بدون دفوف

وحلمي كما بصر النبي يعقوب

ف قلب البير محدوف

كلماتى:

الشاعر: حليم محمود أبوالعيلة