شقّوا عا القلب شقّوا

شُڨّوا عالڨلْبْ شُڨّوا
يْبانْ الوشامْ عْبيدي
يومْ فارڤوا و اتّڤوا
سَلُّوا عْروڨ وْريدي
وْ حين الجّْواجي رڨّوا
خَيّطتْ جرْحي بيدي

شڨّوا بْحايرْ ڨلبي
و زيدْ غرّڨوا و ما تْروفوا
تلاڨوه فيها مْخبّي
مْناڨيشْ فيه حْروفو
ڨلْبي جْمامْ… مْعَبِّي
في غُرْبْتو وْ ما نْشُوفُو

دُورُوا سْوايح عمْري
داراتْ دارة بداره.ْ..
و تْفڨدوا منْ بكْري
و اسْتخبْروا عَ اخْبارهْ
و تْفرّْجوا عَا صَبري
و ما تْشيّدوشْ أسْرارَهْ

زهرة .
من ••• وشمات