نقطة ومن أوّل سطر …

   كلمات 

 الشاعر … احمد قدري

نقطة ومن أوّل سطر

وبداية وفيها حماس

وتفوت أيّام العمر

وتودّع كلّ النّاس

نقطة وبتأكد معنى

وحاجات حلوة تجمعنا

نقطة على حروف مشوارنا

تحضن بكرة بأخلاص

أيّام بتفوت وتعدّي

لكن بتعيش جوانا

علي أد ماتاخد تدّي

وتكمل سكّة معانا

أيّام محسوبة علينا

بتجبنا وبتودينا

أيّام مش ملك إيدينا

نسبقها وهي ورانا

ياسنين العمر الجاية

مدي إيدكي وعدّينا

نسينا جراح واسية

وحاجات كانت مش لينا

ياسنين هاتي الاحلام

تتصاحب عا الأيام

ياسنين الفرح تعالي

على برّ أمان ودّينا

____

           كلمات

 الشاعر احمد قدري