اصطباحة

يكون ف معلومك بقى
واول ما يختمر الوجع
وحيبقى أجهز يستوي
بحبة أنين
ح اغزل ف ليل الصبر
منديل الوداع
و استعجل الليل البطئ
يفوت بسرعة
وح انتظر
صرخة ميلاد الصبح بل
أصلي نفل و ف الحسين
أندر بشوقي
..اللي بيسرح ف الغيطان
ينقي م الورد العلق
ويبل شربات الوصال النرجسي
ل اقيد شموع الهجر وأسهر
في المقام الزينبي
نظرة ومدد
يا ام العواجز تنصفي
قلبي اللي شاب فيه الفرح
من قبل ما يكمل سبوع …
+++++++
كلمات الشاعر
على نوح