بحر الشعر …

بحر الشعر …

 ا. مصطفي البحر 

..قال ايه رأيك…نروح انا وانتي لبياعة البخت يا فوفا..

وكان الرد كده 

أناوبختي وشُين ما يتقابلوش

ومع ذلك ..

هاجرّب واشتري بختي

وهادفع فيه..

 من كُحلة عيني ولآاااخر دمعتين قِسمة 

وهادفع دنيا ع القورة بترسم واحدة مِبتسمة

وهادفع عمري لو فارق ..

وهادفع قد اللي عيشته معاك سعادة قبل ما نفارق

..ياااا ست..اختاري لي البخت.. يكون علي قد صبري معاه

ياااا ست تعبت والله ..وناذرة مشاعري فيه … لله

جيبي لي البخت مش كداب ..ولا بيظن سوء ف احباب

ولو كان الهوي غلّاب ..هاتيه غلّاب

يطاطي لموجُه لو بحرُه طلع قلّاب

هاتيه يقدّر ..ساعتها يحس علي دمُه

باقول لك اييييه..بلاااش منّه

انا عارفه مشاعري بيحنوا..بلاش منه

كفاية الجرح وكام غرزة في وش الشوق

كفاية وجعيتي قدامي.. شربت كتير ونفسي افوق 

بكفاية يدق القلب ع الفاضي.. ونتحايل

باقول لك اييييه 

بلاش پختي انا عارفاه ..جرّبته وطلع ماااايل

………….

        الشاعرة 

عفاف أحمد التركى