لما أموت أبقى قوليلهم
حبيني واهتم بيا
قولي عني كلام لطيف
قولي كنت أجمل هديه
قولي عني حبني
ومشفش وسط الخلق غيري
قولي كان مؤمن بقلبي
وكان مناه ينعم بخيرى
قولي أنك مهما شوفتي من بشر
مستحيل هتلاقي شبهى
و مستحيل هتلاقي غيري
قولي عني كان أصيل وبقلب طيب
قولي مهما كان بعيد .. كان هواه دائماً قريب
قولي مهما الدنيا تقسي ..كان يجيني اوام يطيب
قولي حبيته بصفائه وبنقائه
وأما كان الوقت يصعب كنت بتخبي في ذكائه
قولي أنك حبتيني ولو يا عمري بالكلام
وأما تمشي جنب قبري.. أرمي على قلبي السلام
قلبي اكتر حد حبك بس خبه
وأما كان الموت بينده… كان بيجري لحضنك أنتي
كان بيحلم جوه حضنك يستخبه
بس كان حضنك بعيد… عنه يمكن بس حبه
قولي عني كلام يريح قلبي منك
قولي إنك حبتيني مره في عمرك وسنك
قولي إنك حبتيني رغم نكرانك وانك
قولي إنك حبتيني
قولي عني كلام يريح عمر فات
قولي واتباهي بكلامي وشعري فيكي
وأنتي في وسط البنات
قولي إحساسك بصدق
بس وقت الصدق فات
واللى كان نفسه يشوفك جنب منه
خطفة فجأة. الموت ومات
قولي إ حساس الكلا م
اللى عشت نفسي منك أسمعه
قولي وأعترفي يا عمري
أن حبك شق قلبي وقطعه
قولي إنك رغم أنك كنتى روحي
سبتي جرح كبير في قلبي وجرحي فيه أنا ضيعه
قولي إن أنا الوحيده
إللى قدرت اجرح مشاعره وادمعه
قولي أن شعري فيكي كان جميل
وكنت أحب منه دائماً أسمعه
قولي إنك دوستي قلبي بكل قسوة
وأنك أنتي كنتي اكتر حد قادر يوجعه
قولي إنك حبتيني
وأن عندك خد شبابي وضيعه
قولي إنك حبتيني
كلمات الشاعر
حماده عركز
Hamada Arkaz
Discussion about this post