يادنيا بدرى لسا …

بقلم الشاعر والكاتب … الحن طليس

يادنيا بدرى لسا

الحياه ما انتهاتش

دي ورقتى لسه خضرا

 ولسا ما استواتش

سرسبتى العمر منى

وانا تايه بين الناس

والدمع جوا الننى

بيشعلل الاحساس

مجروح وقلبي عليل

 م الدنيا و الايام

مشوار و لسه طويل

 وحكايتى ما اتحكاتش

 والصفحه ما اتمالاتش

يادنيا بدرى لسا 

انا عندى كلام كتير 

يكفى سنين و سنين

جوايا فيه سؤال

 إزاي وكيف وليه !؟

 بعيش فرحتي مدبوحة

لا فيا أشكى ولا ابكى

ولا اعتب ولا أصرخ

خبيت كتير دموعي 

وعيونى تفضحنى 

وياعينى ع اللى ملوش

فى الدنيا أي حد

 غير الدموع وعينيه

دبلت آهات العين

والقلب آه مجروح

وبكفايه ألم وجروح

وماعدش فيا دموع

وشيلت حمل كتير

ولا عمرى قولت آه

كل الملامح شين

فى وشي مشققه

العمر عدا خلاص

وأنا لسا محلك سر

ازاى أعيش بالوجع

وسط الحياه والناس

ياما ناس كتير من الوجع

ماتت بحمل تقيل

ازاى أعيش بالوجع

واللى يداويه بيغش

قالوا خلاص هتهون

 شدة وهتعدى 

ولما يئن جرحي

بصبر روح بذكرى

ادور ع الحنين

 و يا ريت يجينى فرحي

واخاف على قلبى بكرة

ياضحكه جوه القلب

نايمه ومتحصنة

خايفة الوجع فى الروح

يخطفها من حصنها

مفضلش غير الوجع

ليا ونيس والبوح

كان نفسى يوم الامل

يطرح ولو نوار

اداوى جرح الزمن

وفى آخر المشوار 

ملقيتش غير الوجع

عمال يقيد فى النار

بقلم الشاعر والكاتب … الحن طليس