قالوا زمان فى المثل

داري على شمعتك عين العدو تصيبنا

ف القدر دخل الجمل قفل الحسد بابنا

بنعرف الندل لو ف الساحة يوم غيبنا

يبيعنا بارخص تمن وف خدمته شيبنا

ما ينشف الدمعة غير كفك بمنديلك

ولو طلبت المدد م الناس ماهيجيلك

ارفع لرب السما ايدك هيديلك

لو مال زمانك هيعدل ربنا ميلك

انا وأخويا على ابن العم لو ظالم

الاخ سندك تقول الاه يقول سالم

من كل داء يا ابن ابويا والاله عالم

سيبك من الندل جاهل حتى لو عالم

يا بياعين الكلام سوق الكلام مغبون

.    ……فيه كلمة بتضلنا وتبعتر المكنون

..وكلمة بتحول العاقل كما المجنون

وكلمة من ظلمها كسرت قيم وقانون

احنا اللي خدنا الكلام لفة ورا لفة

مرجحنا سوء القدر وتهنا ف الزفة

.          .ورجعنا  نبكي على حالنا ونتكفى

. لا طولنا سد الرمق ولا حتى ندفى

.      ، .اه يا زمان العبر  يا مغير الاحوال

‏      .بترفع المفتري وعلى  الدماغ يتشال

‏.    .وتوطي باللي اتظلم وتشيله الاحمال

..     ‏وتعشمه بالحلق خرم الودان ولا نال

‏

ياجعان ونايم كل احلامك بسوق العيش

. ..تحلم بلبس الحرير مع ان توبك خيش

ابسط حقوقك بتطلب والجواب بمافيش

‏…..بتلم رجلك وبرضو غطاك ما بيكفيش

………………………………

‏

فبلاش تصدق كل حرف اتقال

الصدق فى زمانا عصي ومحال

والكدب بيعربد ومد وطال

أصبحنا  من فعله ف اسوء حال

‏

كلمات الشاعرة

ناهد الموجي