حماة الوطن

حماة الوطن

بقلم/ محمدعبدالحميد السيد

واقفين يا سادة
خوذه و بيادة
زي الاسود زي الوحوش
على الحدود

واقفين تمام
ماسكين سلاح
وفي حب مصر
نضحي بحياتنا
بالروح نجود

ناصبين كماين
لكل خاين
في كل اتجاه
غربي وشرقي وشمال جنوب
عاملين سدود

عاملين قواعد
قواعد مهولة
ترعب اعادي
في وش الاعادي
احنا رجال حاشدين حشود

عدة وعتااد
هناااا وهناك
على ارضها
واقف وناوي
ناوي الجهاد كلي عزيمة كلي صمود

واقف في خدمة
والا في مهمة
مصر في قلبي
قلبي عليها
حامل سلاح حامي الحدود

وقت المعارك
الكل ثابت
ثابت مكانه
زي الجبال زي النمور
احنا اسود

نبداااأ هجومنا
بعد الاشارة بفن ومهارة
كدة بانتظام
والهمة عالية داااا امن مصر
املنا المنشود

يلا تعالى بص وشوف
مفيش أي خوف
بص علينا مصر في عنينا
احنا ولادها خير الجنود

اسال علينا
في كل حته
برا بلدنا حتى الاجانب
اسأل كمان حتى اليهود

الكل عارف
الكل شايف
حتى التاريخ كاتب تاريخنا
قصص نجحنا
عارفها كمان حتى الحسود

معانا سلاح
حب وسماح صبر وكفاح
عشق بلدنا
وسلاحنا ماضي
حب الأراضي
ورث الجدود

ارض الحضارة
أرض عظيمة
يلا نغني في حب مصر
غني ولحن
لحن الخلود

عايز تشوف
عايز تجرب
فكر تقرب من ارضنا
فكر تقرب كده من الحدود

يلا يا نايم
فوق انت نايم
ابعد بعيد عن ارضنا
على بلادك ارجع وعود

ارجع لبلدك
قبل ما عيني تلمح خيالك
خلي في بالك انا قلتهالك
ارجع و عود

مصر تنادي
يلا يا ولادي
كيدو الاعادي
احمو الاراضي
صونو العهود….

الهمة عالية
ومصر غالية
غالية علينا
وحفرنا اسمك
جواا القلوب على الجلود

تعيشي يا مصر
في كل عصر
رغم المحن رغم الفتن
رافعة راياتك
بوجود ولادك هما حماتك
كايدة الحقود

ارجع وعود احنا جنود زي الاسود
حاشدين حشود ضد الاعادي ضد الحقود
نحمي الاراضي نوفي العهود بالروح نجود
واقفين يا سادة خوذة وبيادة على ارضها
نصون عرضها واللي يعاديها هنعلقة زي الخروف
احنا الوف تعالى وشوف دا جند مصر خير الجنود
ارجع وعود ارجع وعود يلا نغني في حبها
لحن الخلود

تحيا جمهورية مصرالعربية