جوايا كلام

جوايا كلام وأنين مكتوم

جوايا وجع و آهات وهموم

والضهر خلاص أصبح مقسوم

والدمع ف عيني خلاص بيجف

محتاجة يقوم لجل إني أخف

والدنيا ف عيني خلاص بتضيق

وبراحها الواسع بقا مربوط على كانيولا بتنزف دم صديق

إحساس بالعجز بيتسرسب جوه الأعصاب

والقلب خلاص بالفعل اتصاب

والدمع إتجلط ويا الدم

والحزن أكيد أقوى من السم

والجرح إتمكن م الشرايين

والعضلة يادوب واصلة لعشرين

واليأس مالوش أي مناعة

والخلل الظاهر ف إشاعة

بيأكد إن لوحده الصبر

هيرجع للقلب كفاءة

——————————

كلمات الشاعرة

وفاء على