إسمحولي أقول لكم ..

إسمحولي أقول لكم ..
قلبي اللي كان مشتاق لكم ..
تعب خلاص أوي منكم ..
وحياة غلاوة حبكم ..
ل ابعد بعيد أوي عنكم ..
وان جيتوا مره تدوروا ..
هتلاقوا قلبي صدكم ..
ما انا كنت راميه قلبي ليكوا ..
يصحى ينام يحب فيكوا ..
يعشق هواكم ويخاف عليكم ..
ضحى عشانكم بكل شيء ..
سبتوه لوحده وبعدتوا عنه ..
وكإن عمره كان لا شيء ..
بالله عليكم شكراً كفايه ..
قلبي خلاص كتب النهايه ..
لا انا عايزه عطف ولا حنان ..
أنا عايزه أهرب م الزمان ..
اللي فيه الحب هان ..
والإبن خان ..
والبنت تحلف ..
عمرها ما داقت حنان ..
والأهل دول ندغة لبان ..
الله يرحمك يا زمان ..
كان فيك الحب والطيبه ..
وناس ما تعرف العيبه ..
ونخاف كتير على بعضنا
كات لقمه حلوه تلمنا
كان كل كلمه تمسنا
رحمه و موده واحترام ..
من ألمي فعلاً أقولكم ..
شكراً أوي جداً سلام ..

كلمات الشاعرة
عزة الزرقانى